इटहरीमा बन्यो सार्वजनिक शौचालय, मेयर पौडेलले गरे उद्घाटन

इटहरी : इटहरीमा सार्वजनिक शौचालय बनेको छ ।

शौचालयको बुधबार मेयर इटहरी उपमहानगरपालिकाका मेयर हेमकर्ण पौडेलले उद्घाटन गरेका छन् । उनले रिबन काटेर शौचालयको उद्घाटन गरेका हुन् ।

इटहरीको पूर्व लाइनस्थित जुटविकास चौकमा बनेको शौचालयको उद्घाटन गरिएको हो । बुधवार उद्घाटन भएकोसहित इटहरीमा ४ वटा सार्वजनिक शौचालय भएका छन् ।

मेयर पौडेलका अनुसार मुख्य चौक र उपमहानगरपालिकाको गेट नजिकै नयाँ शौचालय निर्माणाधीन अवस्थामा छ ।

यसअघि पाँच वर्षसम्म सार्वजनिक शौचालय नहुँदा आलोचना व्यहोर्दै आएको इटहरी उपमहानगरले भने पछिल्लो समयमा ठाउँठाउँमा शौचालय निर्माण भइरहेको जनाएको छ ।

शौचालय अभाव हुँदा यसअघि उद्योग वाणिज्य संघ इटहरीले पनि उपमहानगरलाई पोटेर्बल शौचालय हस्तान्तरण गरेको थियो ।