सुन्दरहरैँचा : टाउकोमा रगत जमेर अशक्त बनेकी १६ वर्षीया सुमीत्रा भट्टको उपचारका लागि आवश्यक रकम नभएपछि सहयोगको याचना गरिएको छ ।
मोरङको सुन्दरहरैँचा गरपालिका ४ मा कोठाभाडामा बस्दै आएकी भट्टकी आमा अम्बिका भट्टले छोरीको उपचारका लागि सहयोग जुटाइदिन आग्रह गरेकी हुन् ।
संखुवासभाको पाँचखपनकी अम्बिकाका पति आर्थिक अवस्था कम्जोर भएकै कारण कमाई गर्न विदेश गएको समयमा उतै निधन भएको र छोरीहरूलाई आँफूले दुःख गरेर पालनपोषण र पढाउँदै आएको समयमा अचानक छोरी बिरामी परेपछि उपचार गर्ने पैसा नहुँदा चिन्ता बढेको उनी बताउँछिन् ।
सुन्दरहरैँचामा रहेको साजीलाल माविमा ओभरसियरको पहिलो सेमेष्टरमा अध्ययन गरिरहेकी सुमीत्रालाई अचानक पे्रसरले हान्दा नसा फुटेर टाउकोमा रगत जमेको चिकित्सकहरूको भनाइ छ ।
टाउकोमा रगत जमिसकेकाले भारतको सुविधा सम्पन्न अस्पताल लैजान चिकित्सकहरूको सुझाव छ ।
अम्बिका भाडा बस्ने घरका घरधनी चुडामणी रेग्मीले पनि अम्बिकाको आर्थिक अवस्था कम्जोर रहेका कारण आँफूहरूले समेत सहयोग गर्दै आएको बताए । अन्य सहयोगीलाई पनि सहयोग गर्न उनको अपिल छ ।
Discussion about this post