मोटरसाइकल दुर्घटनामा एक विद्यार्थीको मृत्यु

झापा : झापाको बुद्धशान्ति गाउँपालिका १ मा मोटरसाइकल दुर्घटनामा परी एक विद्यार्थीको मृत्यु भएको छ ।

मोटरसाइकलले ठक्कर दिएर घाइते भएकी एलिसा अधिकारीको शुक्रबार राति मृत्यु भएको हो ।

उपचारको क्रममा उनको बिर्तामोडस्थित बिर्तासिटी हस्पिटलमा मृत्यु भएको प्रहरीले जनाएको छ ।

उनी स्थानीय सीता रमेश बहुमुखी क्याम्पसमा बीबीएस दोस्रो वर्षमा अध्ययनरत विद्यार्थी थिइन् । घटनाबारे थप अनुसन्धान भइरहेको प्रहरीले जनाएको छ ।