विराटनगर : फेक्ट नेपालद्वारा विराटनगरको हाम्रो अस्पतालमा ओठ तथा तालु फाटेका (मुख भित्र जिब्रो भन्दा माथि चिरिएका) तथा आगोले जलेर शरीरको एक भाग अर्को भागसँग टाँसिएका ब्यक्तिहरुका लागि निःशुल्क शल्यक्रिया सेवा सुरु भएको छ ।
कोसी प्रदेश, मधेस प्रदेशबाट समेत १६ जना बिरामीहरू उपचारका लागि आएका नर्सिङ स्टाफ नीलम श्रेष्ठले जानकारी दिइन् ।
समस्यामा परेका आफ्ना टोल समाजमा रहेका यस्ता प्रकृतिका व्यक्तिहरूले सम्पर्क गर्दा उपचार पाउने भएका हुन् ।
मुखभित्रको शल्यक्रिया भइसकेपछि बोली राम्रो बनाउन बोलीको तालिम हरेक दिन दिने गरेको स्पिच थेरापिस्ट शिव कुमारी राईले बताइन् ।
जलेको पोलेको बिरामीको उपचार पश्चात फिजियो थेरापी गराउनुपर्ने र उक्त सेवा समेत फेक्ट नेपालले निःशुल्क उपलब्ध गराएको संस्थाका कर्मचारी सबिना चौधरीले जानकारी दिइन् ।
प्लास्टिक सर्जन डा. किरण नकर्मीको नेतृत्वमा डाक्टर बन्दना पौडेल लगायतको टोलीले निःशुल्क शल्यक्रिया गरी उपचार गरिरहेको छ।
बिरामीको छ्नोट गरि निःशुल्क खाने बस्ने व्यवस्था समेतको प्रबन्ध गर्दै शल्यक्रिया गरिने फेक्ट नेपालका कर्मचारी रेनुका श्रेष्ठले बताइन् ।
Discussion about this post