विराटनगर : विराटनगर जेसीजको आयोजनामा विद्यालय स्तरीय एकदिने नाटक प्रतियोगिता सम्पन्न भएको छ ।
हाटखोलास्थित आरोहण गुरुकुलमा विराटनगर क्षेत्रका विद्यालयहरू सहभागी भएको र विद्यार्थीलाई वातावरण संरक्षणप्रति सचेत गर्ने उद्देश्यले कार्यक्रमको आयोजना गरिएको विराटनगर जेसीजका अध्यक्ष अभिनाष थापाले जानकारी दिए ।
नाटक प्रतियोगितामा प्रथम हुँदै बाल सदनले नगद दस हजार, बुढानिलकण्ठ स्कुलले द्वितीय हुँदै सात हजार पाँच सय र एभरेष्ट स्कुलले तृतीय हुँदै नगद पाँच हजारसहित प्रमाण पत्र र शिल्ड प्राप्त गरे ।
विराटनगर जेसीजका पूर्व अध्यक्ष क्लबका अध्यक्ष देवेश प्रधान, वातावरणविद् शाहील श्रेष्ठ र कलाकार सुनीता घिमिरे निर्णायक थिए ।
प्रतियोगिताले नयाँ पुस्तालाई वातावरण संरक्षणमा जोड्नका लागि उक्त कार्यक्रमको आयोजना गरिएको थापाले बताए ।
विराटनगर महानगरपालिकाकी उपमेयर शिल्पा निराला कार्कीको प्रमुख आतिथ्यतामा भएको कार्यक्रम सन्देश कोइरालाले संयोजन गरेका थिए ।
उक्त कार्यक्रममा सहभागीहरूलाई एक–एक बिरुवा उपलब्ध गराइएको शृजन रेग्मीले जानकारी दिए ।
Discussion about this post