इलाम : सहकारीको ब्यवस्थापक रहँदा ४२ लाख ठगेको आरोपमा इलाम नगरपालिका ६ का बेदनिधि पोख्रेललाई प्रहरीले पक्राउ गरेको छ ।
सानिमाई चिया उत्पादन सहकारी संस्थाका पूर्वसचिव तथा व्यवस्थापक रहँदा ४२ लाख ६३ हजार पाँच सय ३६ रुपयाँ हिनामिना गरेको भन्दै पोख्रेललाई पक्राउ गरिएको हो ।
सानिमाई सहकारी संस्थाका अध्यक्षले जिल्ला प्रहरी कार्यालय इलाममा उजुरी दिएपछि प्रहरीले पोख्रेललाई पक्राउ गरेको जिल्ला प्रहरी कार्यालय इलामका सूचना अधिकारी प्रदीप सुवेदीले जानकारी दिए ।
उनका अनुसार पोख्रेललाई नियन्त्रणमा लिएर अनुसन्धान कार्य भइरहेको छ ।
Discussion about this post