झापा : कोसी प्रदेशका नवनियुक्त मुख्यमन्त्री उद्वव थापाले आगामी साढे ४ वर्ष गठबन्धनको सरकार सञ्चालन हुने दावी गरेका छन् ।
झापाको बिर्तामोडमाम नेपाली कांग्रेस झापाद्धारा आयाजित स्वागत–सम्मान कार्यक्रममा थापाले गठबन्धन दलहरूबीचमा बलियो समझदारी भएका कारण कोशी प्रदेशमा आगामी निर्वाचनसम्म गठबन्धन दलको सरकार रहने दाबी गरेका हुन् ।
नेपाली कांग्रेस, नेकपा माओवादी केन्द्र, नेकपा एकिकृत समाजवादी र जनता समाजवादी पार्टीको समर्थनमा बिहीबार मुृख्यमन्त्री नियुक्त भएका थापाले अबको एक महिनाभित्रमा विश्वासको मत प्राप्त हुने बताए ।
‘३० दिनपछि विश्वासको मत प्राप्त भएपछि पदीय जिम्मेवारी शुरु हुनेछ’–थापाले भने– ‘बहुमत प्राप्त भएपछि गठबन्धन दलको सरकारले ४ वर्षे कार्यकाल सफलतापूर्वक सम्पन्न गर्नेछ ।’
विश्वासको मत प्राप्त भएपछि जनअपेक्षा र स्थानीय आवश्यकताका आधारमा छलफल गरेर बजेटमार्फत सम्बोधन गर्ने धारणा राखे । सबैको सद्भाव र इच्छाशक्तिका कारण आफू मुख्यमन्त्री बनेको र यो सबैको उपलब्धी भएको उनको भनाई छ ।
Discussion about this post