झापा : डुबेर दुईजनाको मृत्यु

झापा : झापाका दुई अलगअलग स्थानमा डुबेर शनिबार (आज) दुई जनाको मृत्यु भएको छ।

जिल्ला प्रहरी कार्यालय झापाका अनुसार एक जना पुरूषको कनकाई नदीमा र एक बालकको गौरादहको कृस्ने खोलामा डुबेर मृत्यु भएको हो।

कनकाईमा डुबेका पुरूषको पहिचान खुलेको छैन।

कृस्ने खोलामा डुबेर मृत्यु हुनेमा गौरादह २ हासखोरा निवासी १३ वर्षीय बालक एन्जल ताजपुरिया छन्।

एन्जल स्थानीय ज्ञान ज्योति माध्यमिक विद्यालयमा कक्षा ६ मा पढ्थे। पौडी खेल्ने क्रममा उनको डुबेर मृत्यु भएको हो।
दुवै घटनाबारे थप अनुसन्धान भइरहेको प्रहरीले जनाएको छ ।