इटहरी : इटहरी उपमहानगरपालिकाले नियमविपरीत सञ्चालनमा रहेका सहकारी संस्था बन्द गर्ने भएको छ ।
मेयर हेमकर्ण पौडेलले सहकारीले आफूहरूको बचत फिर्ता नगरेको बचतकर्ताको गुनासोपछि केही सहकारीहरूलाई बचत फिर्ता गर्ने समय दिएकोमा सो समयभित्र पनि बचत फिर्ता नगरेपछि त्यस्ता सहकारी बन्द गर्न लागिएको बताए ।
उपमहानगरपालिकाका सहकारी शाखा प्रमुख बालकुमार पोख्रेलका अनुसार उपमहानगरपालिकाले बचत फिर्ता गर्न समय दिँदा पनि बचतकर्ताको रकम फिर्ता नगर्ने केही सहकारी संस्था बन्द गर्ने तयारी गरिएको छ ।
सहकारी शाखाले अहिले नगरका सहकारीहरूको अनुगमन गरिरहेको बताउँदै उनले अनुगमनको प्रतिवेदन मेयर पौडेलको अध्यक्षतामा रहेको नगर सहकारी समितिलाई बुझाइने र सोही प्रतिवेदनका आधारमा समितिले गर्ने निर्णयबमोजिम सहकारी बन्द गर्ने प्रक्रिया सुरु हुने बताए ।
Discussion about this post