झापा : झापाको मेचीनगर नगरपालिका ९ स्थित धुलाबारीबाट प्रहरीले महिलालाई गेस्ट हाउसमा लगेर बलात्कार गरेको आरोपमा एक जनालाई पक्राउ गरेको छ ।
पक्राउ पर्नेमा सोही ठाउँ बस्ने ४२ वर्षीय तिलक श्रेष्ठ रहेको कोसी प्रदेश प्रहरी कार्यालय विराटनगरले जनाएको छ ।
प्रहरीकाअनुसार श्रेष्ठमाथि भदौ २३ गते दिउँसो बिर्तामोड नगरपालिका ५ महानन्द चोकस्थित गेष्ट हाउसमा लगेर ४० वर्षीया महिलालाई बलात्कार गरेको आरोप छ ।
पीडित महिलाको उजुरीका आधारमा इलाका प्रहरी कार्यालय अनारमनीबाट खटिएको प्रहरी टोलीले श्रेष्ठलाई पक्राउ गरेको हो । पक्राउ परेका श्रेष्ठमाथि थप अनुसन्धान भइरहेको प्रहरीले जनाएको छ ।
Discussion about this post