विराटनगर : विराटनगर ४ तिलोक मार्गमा एक जना युवाले हातको नसा काटेर आत्महत्या गरेका छन् ।
खोटाङ घर भइ मामाघरमा बस्दै आएका ३२ वर्षीय जितेस पाण्डेले देब्रे हातको नसा काटेर बुधबार आत्महत्या गरेका हुन् ।
हातको नसा काटेर रगात्मय अवस्थामा भेटिएका उनलाई उपचारको लागि हस्पिटल लैजाने क्रममा मृत्यु भएको प्रहरीले जनाएको छ ।
जिल्ला प्रहरी कार्यालय मोरङका डीएसपी रन्जन कुमार दाहालले भने, ‘झुन्डिन पनि प्रयास गरेको देखिन्छ । घाँटीमा डोरीको डाम पनि छ । डोरी चुटिएपछि हातको नसा चुलेसीले काटेको घटनास्थलमा हेदा देखिन्छ ।’
उनले घटनाबारे थप अनुसन्धान सुरु गरिएको जानकारी दिए ।
Discussion about this post