तरहरा : इटहरी उपमहानगरपालिका वडा नं. २० को कार्यालयले शुभकामना आदानप्रदान कार्यक्रमको आयोजना गरेको छ ।
अनेकतामा एकता, इटहरी २० को विशेषता भन्ने सन्देशसाथ नेपालीहरूको महान चाड विजयादशी, शुभ दीपावली तथा छठ पर्वको अवसरमा कार्यक्रम आयोजना गरेको हो ।
इटहरी २० का वडाध्यक्ष मणिराम श्रेष्ठको अध्यक्षता तथा उपमहानगरकी उपप्रमुख संगीता चौधरीको प्रमुख आतिथ्यतामा कार्यक्रम सम्पन्न भएको हो ।
कार्यक्रममा नेपाल मगर संघ इटहरी १९ र २० को संयुक्त वडा कार्यसमिति सुनसरीले हुर्रा नृत्य, ब्राहमण समाज नेपाल इटहरी, तरहराले झाँकी, संयुक्त खस क्षेत्री नेपाल आदिवासी इटहरी १९ र २० ले हुर्केली नृत्य, थारु कल्याणकारी समाज तरहराले धुम्राहा नाच, किरात राई यायोक्खा तरहराले साकेला नाच प्रस्तुत गरेका थिए ।
दशनामी समाज तरहराको पनि सहभागित थियो । साथै, विभिन्न क्षेत्रमा योगदान पुर्याएकाहरूलाई सम्मानसमेत गरियो ।
Discussion about this post