तरहरा : इटहरी २० तरहरामा रहेको शान्ति जनकल्याण बुहउद्देश्यीय सहकारी संस्थाले आफ्नो २८ औँ साधारणसभा सम्पन्न गरेको छ ।
शनिबार तरहरास्थित क्षेत्रीय कृषि अनुसन्धान केन्द्रको प्राङ्गणमा संस्थाले आफ्नो स्थापनाको २८ औँ वार्षिक साधारणसभा सम्पन्न गरेको हो ।
साधारण सभामा संस्थाका अध्यक्ष वीरबहादुर लिम्बूले समितिको वार्षिक प्रतिवेदन प्रस्तुत गरे । प्रतिवेदनअनुसार २०७९/८० को शेयर पुँजी ७ करोड ७५ लाख ३१ हजार ५ सय रहेको छ ।
गत सालको तुलनामा ९ दशमलव २० प्रतिशतले बृद्दि भएको उनले बताए । संस्थाले हालको कुल ऋण लगानी ३५ करोड ८२ लाख ९९ हजार रहेको प्रतिवेदनमा उल्लेख छ । त्यस्तै, यस वर्ष संंस्थाको जम्मा मुनाफा एक करोड २६ लाख ८९ हजार ३ सय ४२ रहेको छ ।
राष्ट्रिय सहकारी बैँकका पूर्व अध्यक्ष तथा सहकारी महासंघका उपाध्यक्ष रमेशप्रसाद पोखरेल प्रमुख अतिथि रहेका थिए । महासंघको मूल मर्म भनेकै एकका लागि सबै/सबैका लागि एक भन्ने मूल मर्म रहेको उनले बताए ।
साधारणसभाको अवसर पारेर असल बचतकर्ता, असल ऋणिसहित वृद्वाहरूलाई सम्मानसमेत गरिएको थियो ।
सम्मानित हुनेहरूमा इन्द्रलाल अधिकारी, पुष्प गुरुङ, फूलमाया कार्की, युवकुमारी कार्की, सीता काफ्ले, लक्ष्मीप्रसाद कोइराला, नरेशकुमार श्रेष्ठ, डम्बरकुमारी गिरीलगायत छन् ।
यस्तै संस्थाका उत्कृष्ट कर्मचारीका रूपमा कृष्णकुमारी पोखरेललाई नगदसहित पुरस्कृत गरिएको छ । यस्तै, उत्कृष्ट ऋणीका रूपमा मेघराज पराजुली र शान्तिकुमारी राईलाई सम्मान गरिएको छ ।
यस्तै, उत्कृष्ट बचतकर्ताका रूपमा रमण गुरुङ र तारा काफ्लेलाई पनि सम्मान गरिएको छ ।
कार्यक्रमका प्रमुख अतिथि पोखरेल, संस्थाका अध्यक्ष लिम्बूले दोसल्ला ओढाएर पौष्टिक आहारसहित सम्मानपत्रद्धारा सम्मान गरे ।
यस्तै, कोप मार्टमार्फत उत्कृष्ट खरिदकर्ताका रूपमा सनम राई र राधा राईलाई सम्मान गरिएको छ । प्लस टु मा उत्कृष्ट अङ्क ल्याउने २ जना छात्र छात्रालाई पनि नगद तथा प्रमाणपत्र सहित पुरस्कृत गरिएको छ ।
साधारणसभामा संस्थाका लेखा समिति संयोजक कृष्णप्रसाद घिमिरेले आर्थिक प्रतिवेदन प्रस्तुत गरेका थिए भने अध्यक्ष प्रतिवेदन संस्थाका अध्यक्ष लिम्बूले प्रस्तुत गरेका थिए ।
यस्तै, इटहरी मेडिकलको सहकार्यमा शेयर सदस्यहरूको स्वास्थ्य शिविरसमेत आयोजना गरिएको संस्थाका उपाध्यक्ष चिन्तामणी सापकोटाले बताए ।
कार्यक्रममा जिल्ला सहकारी संघ लिमिटेड इनरुवाका अध्यक्ष गंगाप्रसाद दाहाल, कृषि अनसुन्धान निर्देशनलय तरहराका प्रमुख डा. गोविन्द तिम्सिना, इटहरी उपमहानगरपालिका वडा नं. २० का वडाध्यक्ष तथा संस्थाका सल्लाहकार मणिराम श्रेष्ठ, इटहरी २ का वडाध्यक्ष माधव कोइराला लगायतका अतिथिहरूको सहभागिता रहेको थियो ।
Discussion about this post