इटहरी : इटहरी ६ स्थित मोडर्न प्रिपरेटोरी सेकेण्डरी स्कुलले विभिन्न विधामा उत्कृष्ट विद्यार्थीहरूलाई सम्मान गरेको छ ।
विद्यालयले चार विधामा वर्षभरी निरन्तर उत्कृष्ट रहेका विद्यार्थीहरूलाई दुईजना विद्यार्थी र उत्कृष्ट दुईवटा क्लबहरूलाई सम्मान गरेको हो ।
शैक्षिक सत्र २०८० का लागि वर्षको उत्कृष्ट विद्यार्थीको सम्मान कक्षा ६ की छात्रा श्रेजा गौतमले प्राप्त गरेकी छन् । गौतम कक्षा ६ की क्याप्टेनसमेत हुन् ।
त्यसैगरी, कक्षा ९ का छात्र गौरव खड्काले यस वर्षको ‘उत्कृष्ट विद्यार्थी नेतृत्व सम्मान २०८०’ प्राप्त गरेका छन् । विद्यालयमा रहेको समाज कल्याण क्लबका अध्यक्ष समेत रहेका खड्का शैक्षिक सत्र २०७९ मा निर्वाचित भाइस क्याप्टेन समेत भएका थिए ।
उक्त सम्मानका लागि विद्यालयले विद्यार्थीहरूमा अनुशासन, शैक्षिक तथा भाषागत उत्कृष्टता, नेतृत्व क्षमता, सामूहिक सहाकार्य र अतिरिक्त क्रियाकलापमा सहभागिताका आधार तयार पारेको थियो ।
त्यसैगरी, वर्षभरी नै हरेक गतिविधि विद्यालयमा भएका गतिविधिहरूमा सक्रिय सहभागी भएर उत्कृष्ट हुनेमा प्रिन्सा घिमिरे क्याप्टेन रहेको ‘ब्लु हाउस’ले उत्कृष्ट हाउसको सम्मान पाउन सफल भएको छ । विद्यालयमा रहेका ६ वटा हाउसहरूमध्ये ‘ब्लु हाउस’ उत्कृष्ट भएको विद्यालयका प्रधानाध्यापक मणिकुमार पौडेलले जानकारी दिए ।
पौडेलले भने, “विद्यालयले, पाठ्यक्रमले निर्दिष्ट गरेको सिकाइका उद्देश्यहरू पूरा गर्न विद्यार्थीहरुको शैक्षिक, सामाजिक विकासको सफलताको लागि विद्यालयले निर्दिष्ट गरेका मानकहरूमा उत्कृष्ट भएका विद्यार्थी र हाउसहरूलाई सम्मान गरिएको हो ।”
यस्ता क्रियाकलापहरूले विद्यार्थीहरूका शैक्षिक गतिविधिहरूलाई सहज बनाउन मद्दत पुगिरहेको पौडेलको भनाइ छ । उनले विद्यार्थीहरूको शैक्षिक, सामाजिक विकासको सफलताको लागि मिहिन ढंगले काम गर्दै आएको बताए ।
जीवनमा सफलताको लागि कडा मेहनतको विकल्प नभएको बताउँदै पौडेलले विद्यालय तहमा गरिने यस किसिमको कार्यक्रमहरूले विद्यार्थीको चौतर्फी विकासमा निकै महत्वपूर्ण योगदान पुग्ने बताए ।
विद्यालयका चारसय भन्दा बढि विद्यार्थीहरूले प्रतिष्पर्धामा सहभागिता जनाएका थिए । विद्यालयले नियमित रूपमा विद्यार्थीहरूलाई किशोरावस्था आइपर्ने चुनौतीहरूलाई कसरी सामना गर्ने र सामाजमा फैलिएका विकृतिहरूबाट कसरी बच्ने भन्ने विषयमा विभिन्न कार्यक्रमहरूसमेत सञ्चालान गर्दै आएको छ ।
प्रअ पौडेलका अनुसार विद्यालयले एक सय हप्ता अघिदेखि प्रत्येक शुक्रबार स्वैच्छिक रूपमा आ–आफ्ना सांस्कृतिक पोसाक लगाउन उत्प्रेरित गरिरहेको छ ।
शिक्षाविद्यार्थीहरूको क्षमता अभिवृद्धि र सामाजिक अन्तरघुलन र सामाजिक दायित्व निर्वाहका लागि रेडक्रस, स्काउटका क्रियाकलापसँगै बाल क्लबमार्फत सामाजिक क्रियाकलाप र क्षमता अभिवृद्धिका लागिसमेत कार्यक्रमहरू गर्दै आएको विद्यालयले जनाएको छ ।
Discussion about this post