विराटनगर : ज्येष्ठ नागरिक जिल्ला संघ मोरङले सप्तरीका लेखक तथा पत्रकार अजयकुमार झालाई सम्मान गरेको छ ।
विराटनगरमा सोमबार आयोजित कार्यक्रममा संघले उदयानन्द–मुक्तिनाथ नारायण दासी अर्याल सम्मानबाट झा सम्मानित भएकी हुन् ।
कवि उदयानन्द अज्र्यालको विषयमा खोज अनुसन्धान गरेबापत झालाई नगद २५ हजारसहित सम्मानपत्रले सम्मानित गरिएको संघले जनाएको छ ।
कार्यक्रममा विराटनगर महानगरपालिकाका मेयर नागेश कोइराला, आयोजक संस्थाका अध्यक्ष योगेश्वर निरौलालगायतले सम्मान गरेका थिए ।
कार्यक्रमलाई सम्बोधन गर्दै मेयर कोइरालाले उदयानन्द अज्र्यालले भाषा, साहित्य, संस्कृतिका क्षेत्रमा पु¥याएको योगदानको कदर नभएको उल्लेख गरे । उनले उदयानन्दलाई सीमित घेराभित्र राख्न नहुनेमा जोड दिए ।
कार्यक्रममा विराटनगर ११ का वडाध्यक्ष तीर्थेन्द्र न्यौपाने, ज्येष्ठ नागरिक संघ कोशी प्रदेश अध्यक्ष मणिकुमार अज्र्याल, विराटनगरका अध्यक्ष सुरेशकुमार श्रेष्ठ, साहित्यकार मधु पोखरेल, समाजसेवी जगतप्रसाद अज्र्याल, अर्जुन भट्टराईलगायतले शुभकामना मन्तव्य व्यक्त गरेका थिए ।
Discussion about this post