इटहरी : लागूऔषधसहित चारजनालाई प्रहरीले पक्राउ गरेको छ । पक्राउ पर्नेमा एकजना इटहरीका छन् ।
सुनसरीको भोक्राहा–नरसिंह गाउँपालिका ६ स्थितबाट इटहरी १९ अमाह टोलका २८ वर्षीय रितेश चौधरीलाई २ ग्राम ब्राउनसुगर र २२ लागूऔषधको ट्याब्लेटसहित इलाका प्रहरी कार्यालय लौकहीबाट खटिएको प्रहरी टोलीले नियन्त्रणमा लिएको हो ।
यसैगरी विराटनगर महानगरपालिका १५ मा लागूऔषध गाँजाको कारोबार भईइहेको भन्ने विशेष सूचनाको आधारमा इलाका प्रहरी कार्यालय रानी र लागूऔषध नियन्त्रण ब्यूरो विराटनगरबाट खटिएको प्रहरी टोलीले स्थानीय ६८ वर्षीय रघुनाथ साह र विराटनगर १३ का १९ वर्षीय आनन्द कोईरीलाई पाँच सय ग्राम गाँजा र नगद १० हजार सात सयसहित नियन्त्रणमा लिएको हो ।
यस्तै, जिल्ला ट्राफिक प्रहरी कार्यालय मोरङबाट चेकजाँचमा खटिएको प्रहरी टोलीले विराटनगर ९ स्थितबाट प्र १–०२–०४७ प ४४६५ नम्बरको मोटरसाइकल चालक धनकुटाको सहिदभूमी गाउँपालिका ७ का ३८ वर्षीय जीवन राईलाई १९ किलोग्राम गाँजासहित पक्राउ गरेको हो ।
पक्राउ परेका चारैजनामाथि थप अनुसन्धान भइरहेको प्रहरीको भनाइ छ ।
Discussion about this post