इटहरी : इटहरीस्थित बेदान्त हस्पिटलमा वरिष्ठ मुट तथा प्रेसर रोग विशेषज्ञ डा. सहदेवप्रसाद ढुंगानाको सेवा सुरु भएको छ ।
शनिबार (भोलि) मुटु सम्बन्धी परीक्षण गर्दा २५ प्रतिशत छुट गरिएको हस्पिटलले जनाएको छ ।
लामो समयदेखि विभिन अस्पतालमा आबद्ध रहेर मुटु तथा प्रेसर रोगको उपचार गर्दै आएका दक्ष, अनुभवी एवं तालिम प्राप्त विशेषज्ञ ढुंगानाको सेवा सुरु गरेको पहिलो दिन छुट गरिएको हस्पिटलका प्रबन्ध निर्देशक इन्द्र श्रेष्ठले जानकारी दिए ।
डा. ढुंगानाकाअनुसार छाती दुख्ने, ढक्क फुल्ने वा भारी हुने, छातीमा बेचैनी हुने वा भारीपन महसुस हुनु हृदयाघातको सूचकका रूपमा लिइन्छ । यसैगरी सास फेर्न कठिनाइ हुने, हिँड्दैमा अप्ठ्यारो भएर गल्नेजस्ता समस्या भए मुटु रोगको लक्षण रहेको उनले बताए ।
चिसोयाममा तथा बसेको समयमा पनि पसिना आउनु मुटु रोगको लक्षण रहेको उनी बताउँछन् ।
मुटु सम्बन्धी कुनै समस्या भए अस्पतालमा सम्पर्क गर्न र विशेषज्ञसँग परामर्श लिन अस्पतालका प्रबन्धक निर्देशक श्रेष्ठले आग्रह गरे ।
यसैगरी हस्पिटलमा भाँचिएको हड्डीहरूमा स्टिल राखेर अप्रेसन गरिने श्रेष्ठले बताए । हस्पिटलमा दैनिक रूपमा विभिन्न विशेषज्ञ सेवा एवं हाडजोर्नी र जेनेरल सर्जरीको अप्रेसनसमेत गरिने उनको भनाइ छ ।
Discussion about this post