इटहरी : सुनसरीको चतरास्थित कोसी पुल नजिक दुर्घटना हुँदा एक युवकको मृत्यु भएको छ ।
बराहक्षेत्र नगरपालिका–१ कोसी पुलस्थित सडकमा प्रदेश १–०२–००२ च ५४७९ नम्बरको पिकअप भ्यानले प्रदेश १–०२–०५१ प ४९९५ नम्बरको स्कुटरलाई सोमबार दिउँसो ठक्कर दिँदा दुर्घटना भएको हो ।
दुर्घटनामा स्कुटर चालक धनकुटा शहिदभूमी गाउँपालिका–१ त्रिवेणी बस्ने २५ वर्षीय सुमन राईको मृत्यु भएको प्रहरीले जनाएको छ ।
गम्भीर घाइते भएका उनको बीपी कोइराला स्वास्थ्य विज्ञान प्रतिष्ठान धरानमा उपचारको क्रममा मृत्यु भएको हो ।
घटनाबारे थप अनुसन्धान भइरहेको प्रहरीले जनाएको छ ।
Discussion about this post