झापा : एकीकृत सरकारी कर्मचारी संगठन, नेपालको तेस्रो स्थापना दिवस २०८१ केन्द्रीय कार्यसमितिको आयोजनामा झापाको भद्रपुरमा ‘संघीयतामा सार्वजनिक सेवा प्रवाहको अपेक्षा र समीक्षा’ विषयमा विचार गोष्ठी आयोजना गरिएको छ ।
संगठनका महासचिव प्रकाश राईले ‘संघीयतामा सार्वजनिक सेवा प्रवाहको अपेक्षा र समीक्षा’ विषयमा कार्यपत्र प्रस्तुत गरेका थिए ।
कार्यपत्रमाथि कोशी प्रदेशसभा सदस्य खिनु लङ्वा लिम्बू, नेकपा एकीकृत समाजवादी झापा इन्चार्ज पुष्प पोखरेल, झापा जिल्लाका सहायक प्रमुख जिल्ला अधिकारी तेजप्रकाश प्रसाई, संगठनका संस्थापक अध्यक्ष मोहन घिमिरे लयायतले टिप्पणी गरे ।
संगठनका केन्द्रीय अध्यक्ष यामबहादुर खत्रीको अध्यक्षतामा सम्पन्न भएको गोष्ठीमा कोशी प्रदेशका पूर्व मुख्यमन्त्री राजेन्द्रकुमार राई प्रमुख अतिथि थिए ।
संगठन झापाका अध्यक्ष निरज कट्टेलले स्वागत मन्तव्य राखेको गोष्ठीमा संगठन कोशी प्रदेशका अध्यक्ष योगेश्वर खनालले धन्यवाद मन्तव्य राखे ।
संगठनका केन्द्रीय सचिव टीकादेवी आचार्यले सञ्चालन गरेको उक्त कार्यक्रममा हालसालै सेवा निवृत्त कर्मचारीहरू बलराम पराजुली र रामप्राद पोखरेलाई सम्मानसमेत गरियो ।
सोही कार्यक्रमको अवसर पारेर उपहार योजना २०८१ मा प्रथम पुरस्कार विजेता झापाकै भद्रपुर निवासी विनित पोखरेललाई पल्लसर मोटरसाइकल प्रदान गरिएको थियो।
Discussion about this post