विराटनगरमा ४४ बर्षीया कोरोना संक्रमित महिलाको निधन

बिराटनगर महानगरपालिका–११ मा बस्दै आएकी ४४ वर्षीया महिलाको विराट मेडिकल कलेजमा कोरोना संक्रमणका कारण निधन भएको छ ।

मंगलबार दिउँसो भर्ना भएकी महिलाको उपचारका क्रममा गएराती मृत्यु भएको अस्पतालका प्रशासन प्रमुख सुधीर सिंह राठौरले जानकारी दिए ।

संक्रमित महिलालाई श्वासप्रश्वासमा समस्या देखिएको थियो ।

संक्रमित महिलामा निमोनिया पनि देखिएको अस्पतालले जनाएको छ ।

यो सँगै विराटनगरमा कोरोनाका कारण मृत्यु हुनेको संख्या ११ पुगेको छ ।