इटहरी : सुनसरीको बराहक्षेत्र नगरपालिका–४ स्थित सुनसरी खोला पुल नजिकै लागूऔषध गाँजासहित इटहरीका एक पुरुष पक्राउ परेका छन्।
प्रहरी चौकी भरौलबाट खटिएको टोलीले विशेष सूचनाका आधारमा गएराति ११ः२० बजे धरानबाट पकलीतर्फ जाँदै गरेको को १ ह ९५१० नम्बरको अटो जाँच गर्दा लुकाएर ल्याउँदै गरेको अवस्थामा ३ वटा कालो प्लाष्टिकको झोलामा राखिएको ७५ किलोग्राम लागूऔषध गाँजा फेला परेको हो।
प्रहरीले अटो चालक इटहरी उपमहानगरपालिका–१० का ४५ वर्षीय सुरतलाल चौधरीलाई नियन्त्रणमा लिएको छ ।
गाँजासहित पक्राउ परेका चौधरीमाथि इलाका प्रहरी कार्यालय महेन्द्रनगरबाट थप अनुसन्धान भइरहेको प्रहरीले जनाएको छ।
Discussion about this post