झापा : एसियाली हात्ती । जो एसियामा सबैभन्दा ठूलो र लामो दूरी तय गर्ने स्थलीय स्तनधारी प्राणी हुन् ।
नेपालमा करिब १५० हात्ती नेपाल–भारत सिमाना क्षेत्रमा नियमित रूपमा आवतजावत गर्दैछन्।
तर उच्च खण्डीकरणका कारण करिब ५० प्रतिशत हात्ती संरक्षण क्षेत्र बाहिर बस्थे। जसले मानव–हात्ती द्वन्द्व बढाएको छ।
उक्त समस्या समाधान गर्न सरकारसँग सहकार्य गर्दै राष्ट्रिय प्रकृति संरक्षण कोषले सन् २०१४ देखि हालसम्म झापा जिल्लामा ११ करोड रुपैयाँभन्दा बढी लगानी गरेको छ।
यस अन्तर्गत मानव बस्ती र कृषि क्षेत्रहरू सुरक्षित गर्न २०८१।०८२ मा ९ किलोमिटर लामो सौर्य विद्युतीय बार स्थापना गरिएको छ।
कोषले सन् २०१४ देखि हालसम्म कुल ९१ किलोमिटर सौर्य ऊर्जाद्वारा सञ्चालित विद्युतीय बार स्थापना गरिसकेको जनाएकाे छ।
कोषका अधिकारीहरूले हात्तीको बासस्थान संरक्षण र मानव–हात्ती सहअस्तित्व कायम राख्न सबै सरोकारवालाहरूको एकतामा जोड दिएको जनाएका छन्।
यो पनि – कोशी टप्पुमा विश्व हात्ती दिवस मनाइयो (७ तस्बिरसहित)
Discussion about this post