इटहरी : जेन-जी आन्दोलनका क्रममा आगजनीमा परेपछि कोशी प्रदेशसभा अनिश्चिततामा परेको छ।
प्रदेशसभा हल प्रयोग गर्न नसकिने भएपछि सर्वदलीय छलफलमार्फत विकल्प खोज्ने प्रक्रिया सुरु गरिएको छ।
सम्भावित नयाँ स्थानका रूपमा मोरङको कटहरीस्थित कृषि बजार भवन र विराटनगरको वीरेन्द्र सभागृहको नाम अगाडि आएको छ।
दसैँअघि सभा बोलाउने सम्भावना टरेको भन्दै अब निर्णय तिहारपछिको अर्को बैठकबाट हुने भएको सरकारका प्रवक्ता एवम् आन्तरिक मामिला तथा कानुन मन्त्री रेवतीरमण भण्डारीले जानकारी दिए ।
वर्तमान सभा हलमा आगलागी भएका कारण अन्य स्थानमा बैठक आयोजना गर्नेबारे विचार गरिरहेको उनले बताए । यसबीचमा प्रदेशका प्रमुख दलहरूले बैठकको पुनःसम्भावनाबारे सहमति जनाएका छन्।
नेपाली कांग्रेस, नेकपा एमाले, नेकपा माओवादी केन्द्र र नेकपा एकीकृत समाजवादी दलका प्रमुख सचेतकहरू बैठकका अनिवार्य पक्षमा रहेको र आगामी भविष्यका योजनामा सँगै काम गर्न सहमत भएका छन्।
बैठकको स्थायित्व र प्रभावकारीता सुनिश्चित गर्न नयाँ स्थानको व्यवस्था गर्नुपर्ने बताइएको छ । बैठकमा प्रदेशसभाका सभामुख अम्बरबहादुर विष्ट, उपसभामुख सिर्जना राईसहित दलका नेताहरू सहभागी थिए ।
Discussion about this post