भैँसीलाई पानी खुवाउन खोलामा जाँदा डुबेर बालकको मृत्यु

झापाको कनकाई नगरपालिका ९ मा रहेको बिरिङ खोलाले बगाउदा एक बालकको मृत्यु भएको छ ।

मृत्यु हुनेमा कनकाई नगरपालिका ९ घैलाडुब्बाका १५ बर्षीय गोबिन्द शाह रहेका छन् ।

आज दिउँसो भैँसीलाई पानी खुवाउनका लागि खोलामा लगेको बेला उनलाई सोही खोलाले बगाएको थियो ।

स्थानीयले खोलाबाट उद्धार गरी तत्काल उपचारार्थ लैजादैँ गर्दा उनको बाटोमै मृत्यु भएको जिल्ला प्रहरी कार्यालय झापाले जनाएको छ ।