विराटनगर : नेपाल क्रिकेट फाउण्डेशनको आयोजनामा विराटनगर क्रिकेट लिग सोमवार विराटनगरको मेरिवोन विराटनगर ज्वाला क्रिकेट मैदानमा भएको खेलमा सिद्धार्थ स्पोर्टिङ क्लब र विराटनगर क्रिकेट क्लब एण्ड एकाडेमी विजयी भएका छन् ।
पहिलो खेलमा सिद्धार्थले कटहरी क्रिकेट एकेडमीलाई ३९ रनको पराजित गर्दै लगातार दुई खेलमा जित हात पार्दै ४ अंकसाथ समूह बी को शीर्ष स्थानमा रहेर फाइनलको नजिक पुगेको छ ।
पराजित कटहरी प्रतियोगिताबाट बाहिरिएको छ । ३ खेल खेलेको कटहरीले १ मा जित र २ मा पराजित हुँदै २ अंकका साथ दोस्रो, डाइनामिकले १ मा जित निकालेको २ अंकका साथ तेस्रो र लायन क्रिकेट एकेडेमी खेलेको १ खेलमा पराजित हुँदै लिगको पुछारमा रहेको छ ।
टस हारेर ब्याटिङको निम्तो पाएको सिद्धार्थले निर्धारित १८ ओभरमा ६ विकेट गुमाई १ सस ३२ रनको योगफल तयार पारेको थियो ।
सिद्धार्थका लागि फिदोश अन्सारीले अविजित रहँदै ३२ रन बनाउँदा सोहेव आलमले २७ रन र निरज मुखियाले २४ रनको योगदान दिए । कटहरीका विशाल आचार्यले २ विकेट लिँदा सुरज मुखिया, प्रसिद्ध मण्डल र आस्वीन कामतले १–१ विकेट लिए ।
जवाफमा १ सय ३३ रनको लक्ष्य पछ्याएको कटहरीले प्रै ओभर खेल्दै ८ विकेट गुमाई ९३ रन मात्र बनाउँन सक्यो ।
कटहरीका आस्वीन कामतले अविजित ४२ रन जोड्दा विशाल आचार्यले २० रन जोडे । सिद्धार्थका दिपेश कँडेलले ३ विकेट लिँदा फिर्दोश अन्सारी र निरज मुखियाले १–१ विकेट लिए ।
खेलको म्यान अफ द म्याच सिद्धार्थका दिपेश कँडेल घोषित भए ।
समूह ए अन्तरगत भएको दिनको दोस्रो खेलमा विराटनगर क्रिकेट क्लब एण्ड एकाडेमीले विराट क्रिकेट एकेडमीलाई सुपर ओभरमा ५ रनले पराजित गर्दै २ अंक जोडेको छ ।
२ खेल खेलेको विराट क्रिकेट एकेडेमी १ मा जित र १ खेलमा पराजित हुँदै नेट रन नेटमा पछि पर्दै शीर्ष स्थानमा यथावत् रहेको छ भने विराटनगर क्रिकेट क्लब एण्ड एकाडेमीले खेलेको पहिलो खेलमा जित निकाल्दै दोस्रो स्थानमा छ ।
सुपर ओभरमा पहिले ब्याटिङ गरेको विराटनगरले १ ओभरमा १ विकेट गुमाई १० रन बनायो भने विराटले ५ बलमा २ विकेट गुमाई ५ रन मात्र बनाएपछि ५ रनले पराजित भएको हो ।
यस टस जितेर ब्याटिङ गरेको विराटले निर्धारित २० ओभरमा ९ विकेट गुमाई ९८ रनको सामान्य योगफल तयार पारेको थियो ।
विराटका लागि क्लब कामतले ३४ रनको योगदान दिँदा अनिस राजवंशीले २१ रन र दिपक पासवानले १५ रनको योगदान दिए । विराटनगरका प्रशान्त साहले ३ विकेट लिँदा सुजन थपलियाले पनि ३ विकेट लिए भने रितेश झाले २ विकेट लिए ।
जवाफमा ९९ रनको सामान्य लक्ष्य पछ्याएको विराटनगरले पुरै ओभर खैल्दै ७ विकेट गुमाई ९८ बनाएपछि अेल सुपर अभेरमा गएको थियो ।
विराटनगरका क्रितिक कामतले ५१ रन बनाउँदा कमलदेव चौधरीले १७ रन बनाए । विराटका श्रवण यादवले ह्याट्रिकसहितले ४ विकेट लिँदा अमन यादवले १ विकेट लिए । खेलको म्यान अफ द म्याच विराट विशाल ढकाल घोषित भए ।
सोमवारको पहिलो खेल सिद्धार्थ स्पोर्टिङ क्लब र कटहरी क्रिकेट एकेडेमी तथा दोस्रो खेल विराट क्रिकेट एकेडेमी र विराटनगर क्रिकेट क्लब एण्ड एकेडेमीबीच प्रतिस्पर्धा हुनेछ ।
Discussion about this post