विराटनगर : नेपाल क्रिकेट फाउण्डेशनको आयोजनामा विराटनगर क्रिकेट लिग विराटनगरको मेरिवोन विराटनगर ज्वाला क्रिकेट मैदानमा भएको खेलमा इलाइट क्रिकेट क्लव विजयी भएको छन् ।
मंगलवार भएको खेलमा इलाइटले मिल्स क्रिकेट क्लव एण्ड एकेडमीलाई १७ रनले पराजित गर्दै लिगमा पहिलो जित दर्ता गरेको छ ।
जितसँगै इलाइटले खेलेको २ खेलमा १ मा जित र १ मा पराजित हुँदै २ अंकका साथ समूह (ए)को तेस्रो स्थानमा रहेको छ । मिल्सले लिगमा पहिलो खेल खेलेको हो ।
टस जितेर ब्याटिङको गरेको इलाइटले सिद्धार्थले निर्धारित २० ओभरमा ६ विकेट गुमाई १ सस ५४ रनको योगफल तयार पारेको थियो ।
इलाइटका लागि सागर मल्लिकले ४१ रन बनाउँदा राजु विश्वकर्माले ४० रन बनाए । मिल्सका वैभव राजले ३ लिँदा सुधिर कामत, रेहान शेख, विधान गोस्वामी र नरेन्द्र कर्णले १–१ विकेट लिए ।
जवाफमा १ सय ५५ रनको लक्ष्य पछ्याएको मिल्सले पुरै ओभर खेल्दै ९ विकेट गुमाई १ सय ३७ रन मात्र बनाउन सक्यो । मिल्सका विधान गोस्वामीले सर्वाधिक ४२ रनको योगदान दिए ।
इलाइटका राजु विश्वकर्माले ३ विकेट लिँदा मनिस कामतले पनि ३ विकेट लिए । खेलको म्यान अफ द म्याच इलाइटका राजु विश्वकर्मा घोषित भए ।
Discussion about this post