सुनसरीको पर्यटन क्षेत्रको विकासका लागि जिल्ला होटल तथा पर्यटन व्यवसायी संघ सुनसरी गठन भएको छ । होटल व्यवसाय सँगै पर्यटनको विकासका लागि भन्दै संघ गठन भएको हो ।
व्यवसायी संघको अध्यक्षमा इटहरीका होटल व्यवसायी ओम पाथिभरा होटलका सञ्चालक तेजबहादुर पुरी सर्वसम्मत रुपमा निर्वाचित भएका छन् । जसको बरिष्ठ उपाध्यक्षमा सेछ होटल धरानका सञ्चालक तथा धरान होटल व्यवसायी समितिको महासचिव समेत रहेका बासु बराल चुनिएका छन् ।
त्यस्तै उपाध्यक्षमा इटहरीका प्रिमियर होटल स्कुलका सिईओ सुनिल भुषाल चयन भएका छन् । महासचिवमा सफल पौडेल, सचिवमा धरान गजुर होटलका सञ्चालक गोपाल आचार्य, कोषाध्यक्षमा इटहरीका होटल इस्टन प्यालेसका सञ्चालक दुर्गा थापा चुनिएका छन् ।
संघको सदस्यहरुमा भेडेटारका अरुण होटलका सञ्चालक रमेश श्रेष्ठ, रामधुनीका होटल सञ्चालक विनोद चौधरी, खनारका टुरिस प्लालेसका सञ्चालक कृष्ण पराजुली, इटहरीको त्रियुगा होटलकि गंगा गिरी, पूर्वाअञ्चल साउण्डका राजकुमार कार्की, बसपार्कको चैनपुरे होटल सञ्चालक बाबुराम गिरी, बसपार्क राई होटल सञ्चालक सिताराम राई चयन भएका छन् ।
नवनिर्वाचित अध्यक्ष पुरीले पर्यटनहरुको विकासको लागि आँफूहरु लागि पर्ने बताए ।
कोरोना भाईरसको कारण व्यवसायीहरु मारमा परेको भन्दै सरकार सँग समन्वय गर्दै पर्यटन व्यवसायलाई अगाडि बढाईने उनको भनाई थियो ।
Discussion about this post