जिल्ला प्रशासन कार्यालय सुनसरीले इटहरीका होटल व्यवसायीहरुलाई आतकिंत बनाएको होटल व्यवसायी संघ इटहरीले आरोप लगाएको छ ।
प्रशासन सुनसरीको गैरजिम्मेवारीको कारण इटहरीका अधिकांश होटल व्यवसायीहरु आतकिंत हुनु परेको व्यवसायीहरुको आरोप रहेको छ ।
प्रहरी प्रशासनको कारण इटहरीका अधिकांश होटल व्यवसाय चौपट्ट भएको इटहरी होटल ब्यवसायी संघका अध्यक्ष जीवन पराजुलीले बताए । ८ बजे नै प्रहरीहरु होटलका ढोका ढकढक्याउन आउने गरेको भन्दै इटहरीका होटल तथा पर्यटन व्यवसायीहरु चिन्तित बन्नुपरेको उनको भनाई छ ।
इटहरीका होटल सञ्चालकले साझ ८ बजेसम्म मात्र होटल खोल्न प्रशासनको निर्णय व्यवसायीहरुलाई धरासायी बनाउने खालको भएको उनको आरोप छ ।
६ महिनासम्म ठप्प भएको होटल व्यवसाय अहिले पनि चलाउन नपाएको भन्दै व्यवसायीहरु करोडौँ ऋणमा डुबेको उनको भनाई थियो ।
होटल व्यवसायी संघ इटहरीले सोमबार नै समग्र होटलहरु धरासायी भएको भन्दै स्थानीय सरकार र प्रशासनलाई ज्ञापन पत्र समेत बुझाएको छ ।
इलाका प्रहरी कार्यालय र इटहरी उपमहानगरपालिकालाई ज्ञापन पत्र बुझाउँदै व्यवसायीहरुलाई धरासायी बनाउने काम तत्काल बन्द गर्नुपर्ने माग समेत गरिएको उनले बताए ।
Discussion about this post