नेपाल रेडक्रस सोसाइटी हाँसपोसा उपशाखाको २१ औं वार्षिक उपशाखा सभा तथा रक्तदान कार्यक्रम सम्पन्न भएको छ ।
तरहरा बजारमा शनिबार नेरेस हाँसपोसा उपशाखाले गरेको रक्तदान कार्यक्रममा ४३ पिन्ट रगत संकलन भएको थियो ।
अध्यक्ष चन्द्रकुमार गिरीका अनुसार विभिन्न क्षेत्रका ४३ जनाले रगत दान गरेका थिए । एक पिन्ट रगतले कसैको जीवन बच्ने भएकाले आँफूहरुले बर्षेनी रक्तदान कार्यक्रमको आयोजना गरिने उनले बताए ।
साथै उक्त कार्यक्रमको अवसर पारेर मोरङको बेलबारी नगरपालिका ६ बनोल निवासी बुधनारायण खवासकी छोरी बर्ष २४ की शशीकला खवास दुवै मृर्गौला फेल भई उपचाररत रहेकाले आर्थिक सहयोग गरिएको नेरेस हाँसपोसाका सचिव भरत गिरीले जानकारी दिए ।
४ बर्ष अगाडिदेखि आफ्नो दुवै मृर्गौला फेल भई धरानस्थित वीपी कोईराला स्वास्थ्य विज्ञान प्रतिष्ठानमा उपचाररत रहेकाले उनको उपचारका लागि केही खर्च स्वरुप नगद पन्ध्र हजार रुपैँया सहयोग गरिएको थियो ।
नेपाल रेडक्रस सोसाइटी हाँसपोसा उपशाखा र लायन्स क्लब अफ तरहराको सहकार्यमा उनलाई कार्यक्रमका प्रमुख अतिथि उद्योग बाणिज्य संघ इटहरीका अध्यक्ष भीमबहादुर पौडेलले सहयोग रकम हस्तान्तरण गरेका थिए ।
Discussion about this post