झापा र मोरङका छुट्टाछुट्टै स्थानबाट ब्राउनसुगर र ट्याब्लेटसहित ५ जना पक्राउ परेका छन् ।
ईलाका प्रहरी कार्यालय दमकबाट खटिएको प्रहरी टोलीले दमक १ का ३२ बर्षीय देवेन्द्र राईलाई २ ग्राम ब्राउनसुगर सहित पक्राउ गरेको छ । यसैगरी झापाको गौरादह नगरपालिका १ मा पनि गौरादह नगरपालिका ३ का २७ बर्षीय लक्ष्मण दास र १९ बर्षीय राम साहलाई २३ ग्राम २०० मिलिग्राम ब्राउनसुगर सहित पक्राउ गरेको हो ।
ब्राउनसुगरको कारोबार भईरहेको भन्ने बिशेष सूचनाको आधारमा ईलाका प्रहरी कार्यालय दमकबाट खटिएको प्रहरी टोलीले उनीहरुलाई हिजो राती पक्राउ गरेको थियो ।
यता, मोरङको रतुवामाई नगरपालिका २ डोरीयाबाट लागूऔषध ट्याब्लेटसहित २ जना पक्राउ परेका छन् । सीमा प्रहरी चौकी डोरीया मोरङबाट चेकजाँचमा खटिएको प्रहरी टोलीले रतुवामाई नगरपालिका ९ का २४ बर्षीय दिपेश घिमिरे र २४ बर्षीय सञ्जीव भट्टराईलाई २०० ट्याब्लेट लागूऔषधसहित पक्राउ गरेको हो ।
लागूऔषध सहित पक्राउ परेकाहरुको सम्बन्धमा प्रहरीले थप अनुसन्धान गरिरहेको जनाएको छ ।
Discussion about this post