तरहरा : इटहरी २० तरहराको चर्चित विद्यालय ज्ञानदर्पण एकेडेमीका प्रिन्सिपल रमेश बहादुर कार्कीसँग जोडिएर विभिन्न आरोप प्रत्यारोपको घटना बाहिरिएको छ ।
उनीसँग जोडिएर दुई महिलाले आँफूहरुलाई यौन सम्बन्ध राखेर विवाह गर्ने आश्वासन दिएको तर पछि पैसामा कुरा मिलेको घटना बाहिरिएको हो ।
कार्कीले गत श्रावण १३ गते एक युवतीलाई लिएर उदयपुर गएर बसेको र पछि विराटनगरमा कोठा लिएर राखेको समेत खुलेको छ ।
‘हामीले थाहा पाएको घटना चैँ १३ गते वहाँ हिड्नुभयो, ज्ञानदर्पण स्कुल नजिकै बस्ने २३ बर्षीय युवतीसँग उदयपुरमा गएको बुझेका छौँ,’ विद्यालय व्यवस्थापन समितिका एकजनाले टाकुरासँग भने, ‘केटीलाई विराटनगरमा कोठामा राखेर आउनुभयो । यहाँ आएपछि कार्कीमाथि केटीको पक्षका मानिसहरु पनि आए । माईती पक्षबाट पैसाको बार्गेनिङ भएछ ।’
उनले आँफ्नो नाम गोप्य राख्ने शर्तमा भने, ‘रमेश सरले आखिर गल्ती गरिहाले, पैसामा घटना मिलाउने कुरा भएपछि उहाँलाई हामीले राजीनामा गराएका छौँ ।’
उनका अनुसार लगत्तै अर्की महिलाले पनि कार्कीमाथि श्रीमती स्वीकार्छु भनेर भन्ने गरेको समेत खुलेको छ । ‘अर्की एक महिलाले रमेश सरले मलाई धोका दिनुभयो भन्दै लगत्तै आउँनुभयो,’ उनले भने, ‘विराटनगरमा राखिएको केटीलाई भने ११ लाख दिएर मिलाएको हल्ला व्यापक छ ।’
उनका अनुसार विराटनगरमा राखिएको महिलालाई भने पैसा दिएर मिलाएको कुरा पनि अहिले बजारमा हल्ला व्याप्त रहेको छ ।
अर्की एक महिलाले पनि कार्कीले आँफूमाथि यौन सम्पर्क गरेको र पछि विवाह गर्ने भनेको भएपनि विवाह नगरेको बताउँदै आएकी छिन् ।
कार्कीद्धारा राजीनामा
यसैबीच तरहरामा रहेको ज्ञानदर्पण एकेडेमीका प्रिन्सिपल रमेश बहादुर कार्कीले राजीनामा दिएका छन् ।
केही दिन अगाडि कार्कीसँग सम्बन्धित दुई महिलाको घटना जोडिएर विभिन्न सञ्चारमाध्यममा समाचार प्रकाशित भएपछि कार्कीले राजीनामा दिएका हुन् ।
कार्कीमाथि तरहराकै दुईजना महिलालाई यौन क्रियाकलापमा संलग्न भएको कुरा बाहिरिएको थियो ।
उक्त आरोपपछि कार्कीले राजीनामा दिएका हुन् । कार्कीको ठाउँमा कालीप्रसाद कोईराला प्रिन्सिपलमा नियुक्त भएका छन् ।
Discussion about this post