तरहरामा सुनको सिक्री र पैसा चोरी, चोरी गर्नेको साथबाट लागूऔषध पनि भेटियो

तरहरा : इटहरी २० तरहराबाट चोरी गर्नेलाई प्रहरीले पक्राउ गरेको छ । तरहरा प्रहरी चौकीले चोरी गर्ने एकजनालाई आज बुधबार पक्राउ गरेको हो ।

इटहरी २० बुद्धचौकका अनुप सुब्बाको घरमा राती पसेर तरहराका सुदीप काफ्लेले चोरी गरेका हुन् ।

रातको १२ बजेको समयमा उनले घरमा पसेर चोरी गरेको प्रहरीले जनाएको छ । पीडित सुब्बाका अनुसार काफ्लेले साढे चार तोलको सिक्री, १ लाख २७ हजार रुपैँया पर्ने घडी र नगद पाँच हजार रुपैँया चोरी गरेका हुन् ।

‘रातको १२ बजे चोरी गर्ने नियतले नै मेरो घरमा आएको रहेछ,’ सुब्बाले टाकुरान्यूजसँग भने, ‘राती घरमा गेट लगाउन बिर्सिएको रहेछ, घरभित्र राखेको सामान चोरेर लगेको थाहा पाएपछि हामीले आँफै पत्ता लगायौँ ।’

उनका अनुसार राती घरमा गेट लगाउँन बिर्सदाँ घरभित्र दराजमा राखेको सिक्री घडी र पर्सको पैसा चोरेर लगेको पत्ता लगाएपछि प्रहरीसँगको समन्वयमा पक्राउ गरिएको हो ।

दराजको र्याकमा राखिएको सामान चोरी गरेको र घर बाहिर निस्कदाँ अन्य गाउँलेले देखेको र खोजी गर्दै जादाँ पक्राउ गरिएको हो ।

ईलाका प्रहरी कार्यालय इटहरीका प्रहरी नायव उपरीक्षक (डीएसपी) धर्मराज भण्डारीका अनुसार उनी तरहराको पुष्पलाल टोलमा बसोबास गर्दैै आएपनि लागूऔषध समेत प्रयोग गर्दै आएका थिए ।

‘यसअघि पनि चोरीका घटनामा संलग्नलाई हामीले पक्राउ गरेर कारबाहीको प्रक्रिया अगाडि बढाएका छौँ,’ डीएसपी भण्डारीले टाकुरासँग भने, ‘उनको घरमा लुकाई छिपाई राखिएको लागूऔषध समेत हामीले बरामद गर्दै आएका छौँ ।’

उनका अनुसार काफ्लेको घरमा सर्च गर्दा नाइट्रोजन एक ट्याब्लेट र अन्य प्रतिबन्धित लागूऔषध सीसी समेत प्रहरीले फेला परेको छ ।

काफ्लेमाथि म्याद थप गरेर अनुसन्धान गर्ने तयारी भईरहेको डीएसपी भण्डारीले जानकारी दिए ।

‘पक्राउ परेका एकजना मात्रै होईन, यसको अरु पनि सञ्जाल छन्, हामीले अनुसन्धान गरिहरेका छौँ ।’ भण्डारीले भने ।

अन्दाजी २२ बर्षीय काफ्लेले लागूऔषध समेत प्रयोग गर्दै आएको प्रहरीको भनाई रहेको छ ।