मंगलबारदेखि इटहरीका निजी कलेज सञ्चालनमा आउने (विज्ञप्तीसहित)

इटहरी : लकडाउनको पनि शुल्क लिएको विरोधमा आन्दोलित भएका इटहरीका निजी कलेजका विद्यार्थीहरुले कलेज नै तोडफोड गर्ने स्थिति सृजना भएपछि बन्द भएका कलेजहरु भोलि मंगलबारदेखि सञ्चालनमा आउने भएका छन् ।

७ गते शनिबार इटहरीको विश्व आदर्श, कस्तुरी, कोशी र शुष्मा कलेजले पत्रकार सम्मेलन गरी शिक्षक र कर्मचारीमा मनोवैज्ञानिक त्रास बढेको भन्दै अनिश्चितकालका लागि विद्यालय बन्द गर्ने घोषणा गरेका थिए । तर, सोमबार साँझ उच्च शिक्षालय तथा माध्यमिक विद्यालय संघ (हिसान) सुनसरीले एक विज्ञप्ती जारी गर्दै मंगलबारबाट कलेज सूचारु हुने जानकारी गराएको हो ।

‘इटहरी नगर शिक्षा समितिले यो समस्या समाधान गर्न कार्यदल समेत बनाइसकेको छ,’ विज्ञप्तीमा भनिएको छ, ‘अब पठनपाठन स्थगित गर्नु भनेको कलिला विद्यार्थीहरुको भाग्य र भविष्यमाथि खेलवाड हुने हाम्रो ठहर छ ।’

पठनपाठन सूचारु गर्न साथै शान्ति सुरक्षा कायम गर्न स्थानीय प्रशासन र सुरक्षा निकायलाई अपिल समेत गरिएको विज्ञप्तीमा उल्लेख गरिएको छ ।

यो पनि – इटहरीका निजी कलेजका शिक्षकहरुले भने, ‘सुरक्षाको पूर्ण ग्यारेण्टी नभए अध्यापन गराउदैनौँ’ (विज्ञप्तीसहित)

यो पनि – शिक्षकलाई तलव नै नदिएका इटहरीका निजी कलेज, विद्यार्थीलाई धम्क्याएर शुल्क असुल्दै

यो पनि – मानसिक यातना दिएर विद्यार्थीसँग शुल्क असुल्दै इटहरीका निजी कलेज

यो पनि – शुल्क मिनाहा माग गर्दा इटहरीका निजी कलेज अनिश्चितकालका लागि बन्द

यो पनि – जथाभावी शुल्क असुलेको भन्दै इटहरीको विश्व आदर्श कलेजका विद्यार्थीद्वारा उपमहानगरपालिका परिसरमा आन्दोलन