इटहरी : नेकपा एमाले सुनसरीमा गत २०७५ जेठ २ मा फर्किने विषयलाई लिएर चलिरहेको विवादले उग्र रुप लिएको छ।
बुधबार (आज) इनरुवास्थित ओमसाई पार्टी प्यालेसमा बस्ने भनिएको बैठकमै एमाले पूर्व अध्यक्ष तथा इटहरी उपमहानगरपालिकाका मेयर समेत रहेका द्वारिकलाल चौधरीले माइक खोसेका छन् ।
जेठ २ अघिका अध्यक्ष रमेश बस्नेत र पछिल्लो पटकका अध्यक्ष रेवतीरमण भण्डारीको समूहबीच विवाद भएपछि दुवैजनालाई व्याक गरेर पार्टी इन्चार्ज धर्म निरौलाले बैठकको अध्यक्षता गरेका थिए।
अध्यक्षता गरेर निरौलाले बोल्ने क्रममा चौधरीले माइक खोसेका हुन्।
अवैधानिक कमिटी र अवैधानिक व्यक्तिले अध्यक्षता गरेको बैठकमा अतिथि नहुने भन्दै चौधरीले माइक खोसेका थिए। चौधरीले माइक खोसेपछि बैठकस्थलमा तनाव उत्पन्न भएको छ।
चौधरीको हातबाट पुनः माइक खोस्न कार्यकर्ताहरु मञ्चमै चढेपछि त्यहीँ थप विवाद भएको छ। माइक खोसेपछि चौधरी कार्यक्रमस्थलबाट हिँडेका छन्। उनले उक्त बैठक बहिष्कार गरेको प्रतिक्रिया दिए ।
नेपालखबरको सहयोगमा ।
Discussion about this post