सोलुखुम्बु : प्रदेश नम्बर–१ कै पहिलो सामुदायिक रेडियो सोलु एफएम १०१.२ मेगाहर्जको स्टुडियोमा आगलागी भएको छ ।
सोलुखुम्बुको सोलुदूधकुण्ड नगरपालिका–६ दोर्पुबजारमा रहेको रेडियोको स्टुडियोमा गएराति साढे १२ बजे आगलागी भएको हो ।
स्टुडियोबाट सुरु भएको आगोले रेकर्डिङ भवनसमेत जलेर नष्ट भएको रेडियो सञ्चालक समितिका अध्यक्ष बुद्धि नारायण श्रेष्ठले जानकारी दिए ।
आगलागीबाट झण्डै एक करोड रुपैयाँ बराबरको नोक्सानी भएको अनुमान छ । विद्युत सर्ट भएर आगलागी भएको अनुमान गरिए पनि यकिन कारण खुलेको छैन । आगो नगरपालिकाको दमकल, सशस्त्र प्रहरी, नेपाल प्रहरी, नेपाली सेना, स्थानीय बासिन्दा, रेडियोका कर्मचारीलगायतको सहयोगमा झण्डै २ घण्टापछि निभाइएको थियो ।
२०६१ सालमा स्थापना भएको सोलु एफ एम प्रदेश १ को पहिलो सामुदायिक रेडियो हो ।
Discussion about this post