इटहरी : तरुण दल सुनसरीले जिल्लाका अति विपन्न परिवारलाई खाद्यान्न वितरण गर्न लागेको अभियानलाई सहयोग जुट्न थालेको छ । अभियानलाई राजीखुशी सहयोग गर्ने मानिसहरु जुट्न थालेका हुन् ।
उद्योग बाणिज्य संघ रामधुनी शाखाका अध्यक्ष धर्मेन्द्र साहले उक्त अभियानलाई सात बोरो आलु सहयोग गरेका छन् । साहले तरुण युवाहरुको अभियानलाई सहयोग पुग्ने उदेश्यले खाद्यान्न स्वरुप आलु सहयोग गरिएको बताए ।
तरुण दल सुनसरीका अध्यक्ष सिजन गुरुङका अनुसार पहिलो चरणमा स्वास्थ्य सामाग्री वितरण गरिएपनि अहिले लकडाउनका कारण समस्या भइरहेका परिवारलाई खाद्यान्न सहयोग गर्ने उदेश्यले अभियान चलाइएको छ ।
अहिले दोस्रो चरणमा जिल्लाबासी अति विपन्न मानिसहरुलाई खाद्यान्न वितरणको अभियानलाई तीव्रता दिइएको उनले बताए । जिल्लाबासी विपन्न नागरिकलाई खाद्यान्न अभाव भए स्वयम् गुरुङको ९८०३३४०९५९ मोबाइल नम्बरमा सम्पर्क गर्न सकिने उनले बताए ।
‘हामीले हाल दाल, चामल, नुन, आलु तथा न्यूटला वितरण गरिरहेका छौँ,’ उनले भने, ‘लकडाउनको अवधिभर जिल्लामा जो कोही विपन्न मानिसहरुलाई पनि हामी खाद्यान्न वितरण गर्न तयार छौँ ।’
Discussion about this post