इटहरी : प्रदेश १ मा पछिल्लो २४ घण्टामा थप २०७ जनामा कोरोना भाइरस संक्रमणको पुष्टि भएको छ ।
सामाजिक विकास मन्त्रालयका अनुसार थपिएका संक्रमितमध्ये मोरङको विराटनगरमा ३७, सुन्दरहरैँचा र लेटाङमा ४–४, उर्लाबारीमा ३, केराबारीमा २, सुनबर्षी र ग्रामथानमा १–१ जनामा संक्रमण देखिएको छ ।
यस्तै, झापाको दमकमा ११, भद्रपुरमा ९, बिर्तामोडमा ६, कचनकवलमा २, हल्दिबारी, शिवसताक्षी, कमल गाउँपालिका र स्थानीय तह नखुलेका १–१ जना छन् ।
यस्तै, सुनसरीको इटहरीमा १९, धरानमा ६ र बराहक्षेत्रमा १ जनामा संक्रमण देखिएको छ ।
उता, धनकुटाको धनकुटा नगरपालिका र पाख्रिबासमा १–१, खोटाङको खोटेहाङ, इलामको चुलाचुली, पाँचथर, ताप्लेजुङ र प्रदेश १ बाहिरका १–१ जनामा संक्रमण देखिएको मन्त्रालयले जनाएको छ ।
प्रदेश १ मा पछिल्लो २४ घण्टामा २८८ जना कोरोना संक्रमणमुक्त भएका छन् भने संक्रमणबाट ३ पुरुषको मृत्यु भएको छ ।
Discussion about this post