विराटनगर : भारतदेखि तस्करी भएर आएको कपडा र खाद्यान्यको सामान सशस्त्र प्रहरीले बरामद गरेको छ ।
विराटनगर १६ देखि सशस्त्र प्रहरी बल बोर्डर आउट पोस्ट (बीओपी) दरैयाले १ लाख २० हजार मुल्य बराबर कपडा र खाद्यान्य सामाग्री शुक्रबार बिहान बरामद गरेको हो ।
यस्तै, भारतदेखि तस्करी गरी भण्डारन गर्ने एक जनालाई प्रहरीले पक्राउ गरेको छ । मोरङ प्रहरीले गोदाम सञ्चालक विराटनगर ९ का ३२ वर्षीय नवीन जैनलाई तस्करीको कपडा भण्डारन गरिएको अवस्थामा बिहीबार पक्राउ गरेको हो ।
जैनले विराटनगरमा गोदाम सञ्चालन गरेर अवैध सामानको भण्डारण गर्ने गरिएको खुलेको प्रहरीले जनाएको छ । अवैध रूपमा सञ्चालन गरिएका गोदाममा भारतबाट तस्करी गरेर ल्याइएका दैनिक उपभोग्य सामग्रीदेखि किराना सामानसम्म भण्डारण गरेर राख्ने गरिएको पाइएको हो ।
बरामद गरिएको सामानसहित जैनलाई आवश्यक कारबाहीका लागि बिहीबार विराटनगर भन्सार कार्यालयमा बुझाइएको प्रहरीले जनाएको छ ।
Discussion about this post