इटहरी : इटहरी उपमहानगरपालिकाकी उपमेयर लक्ष्मी गौतमले स्रष्टालाई अपमान गरेको भन्दै प्रदर्शन गरिएको छ ।
बिहीबार (आज) इटहरी उपमहानगरपालिकाको गेट अगाडि यहाँका स्रष्टाहरूले प्रदर्शन गरेका हुन् ।
स्रष्टा तथा लेखक समाजका मिथिला पोखरेलका अनुसार गत वर्षको बजेटमा उपमेयर गौतमले गरेका बाचालाई बेवास्ता गर्दै स्रष्टालाई अपमान गरेका कारण कालो ब्यानर टाँगेर मौन रूपमा सांकेतिक विरोध गरिएको हो ।
उनका अनुसार स्रष्टाहरुका लागि इटहरीबासीले गाँस काटेर सहयोग गरेको तर जनताको सेवा गर्ने कसम खाएर र महँगो तलवभत्ता हात पारेर मँहगा गाडीमा सवार भएर पनि नगरको आर्थिक भौतिक अवस्था हुँदाहुँदै जनसेवा गर्न मन नगर्नु वा कन्जुस्याई गर्नु अपराध रहेको बताउँदै विरोध गरिएको छ ।
इटहरी आसपासका गाउँपालिका र नगरपालिकाले भाषा, कला, साहित्य र संस्कृतिका विषयमा संविधानतः सुरुदेखि नै न्यूनतम २५ लाख देखि लिएर ५० लाखसम्म बजेट बिनियोजन गरेको भएपनि इटहरी उपमहानगरपालिकाले बारम्बार सल्लाह र सुझाव दिँदा पनि यस क्षेत्रलाई वेवास्ता गरिएको जनाइएको छ ।
गत आर्थिक वर्षको बार्षिक बजेट भाषणमा इटहरीमा इ–लाइब्रेरी स्थापना गर्ने भनेर उपमहानगरले उद्घोष गरेको भएपनि अहिलेसम्म एउटा किताव पनि खरिद नगरेको स्रष्टा तथा लेखक समाजद्धारा जारी विज्ञप्तीमा उल्लेख गरिएको छ ।
यो पनि – इटहरी उपमहानगरकोे सल्लाहकारबाट राजीनामा दिदैं डा. पोखरेलले भने, ‘सर्पहरू गीत सुन्दैनन्’
Discussion about this post