इटहरी : इटहरी उपमहानगरपालिकाका मेयर द्वारिकलाल चौधरीको निजी जग्गा ‘प्लटिङ’ गर्न उपमहानगरको जेसीबी प्रयोग गरेको पाइएको छ ।
आज (मंगलबार) दिउँसो सरकारी नम्बर प्लेटको उपमहानगरको जेसीबी मेयर चौधरीको निजी जग्गा ‘प्लटिङ’ गर्न प्रयोग भएको हो ।
स्थानीयका अनुसार यसअघि पनि गत पौष २० गते मेयर चौधरीले उपमहानगरकै जेसीबी, ट्याक्टर लगायतका साधनले आफ्नो जग्गा ‘प्लटिङ’ गर्न प्रयोग गरेका छन् ।
मेयर चौधरीको जग्गा नजिकै गत मंसिर २८ गते नेकपा एकीकृत समाजवादीका अध्यक्ष माधवकुमार नेपालले आँखा अस्पतालको शिल्यानास समेत गरेका थिए । त्यहाँ आँखा अस्पताल बन्ने भएपछि जग्गाको मूल्य बढ्ने आशमा रहेका चौधरीले सरकारी गाडी दुरुपयोग गरेर आफ्नो जग्गा सम्याउने काम गैरकानुनी रहेको स्थानीय बताउँछन् ।
इटहरी १७ र १ को सीमाना नजिकै पर्ने मझौरामा मेयर चौधरीले करीब २५ कठ्ठा जग्गा ‘प्लटिङ’ गरेको स्रोतले जनाएको छ । प्रदेश १–०२–०१ ग ०२०२ सरकारी नम्बर प्लेटको उपमहानगरको जेसीबीले जग्गा ‘प्लटिङ’ गरेको पाइएको छ ।
स्थानीय एक व्यक्तिका अुनसार मंगलबार दिनभर उपमहानगरकै सेतो नम्बर प्लेट भएका चारवटा हाइवा तथा ट्रिपरले बालुवा तथा मिसगिटी झारेको थियो । ‘सेतो नम्बर प्लेटका ट्रिपर तथा हाइवाले मिसगिटी तथा बालुवा झारेको छ, जेसीबीले सम्याउने काम भइरहेको छ,’ नाम नखुलाउने शर्तमा प्रत्यक्षदर्शी समेत रहेका उनले टाकुरासँग भने, ‘सत्तालाई कसले चलाउने, कसले बोलाउने ?’
उपमहानगरका प्रमुख प्रशासकीय अधिकृत सूर्यप्रसाद सुवेदीले भने उपमहानगरका गाडीहरू भौतिक पूर्वाधार विकासका संरचनाका लागि प्रयोग हुने बताए ।
मेयर चौधरीको जग्गा नजिकै गत मंसिर २८ गते नेकपा एकीकृत समाजवादीका अध्यक्ष माधवकुमार नेपालले आँखा अस्पतालको शिल्यानास समेत गरेका थिए । त्यहाँ आँखा अस्पताल बन्ने भएपछि जग्गाको मूल्य बढ्ने आशमा रहेका चौधरीले सरकारी गाडी दुरुपयोग गरेर आफ्नो जग्गा सम्याउने काम गैरकानुनी रहेको स्थानीय बताउँछन् ।
यता, मेयर चौधरीलाई यस विषयमा सम्पर्क गर्दा उनले फोन रिसिभ गरेनन् ।
उपमहानगरका प्रमुख प्रशासकीय अधिकृत सूर्यप्रसाद सुवेदीले भने उपमहानगरका गाडीहरू भौतिक पूर्वाधार विकासका संरचनाका लागि प्रयोग हुने बताए ।
‘ती गाडीहरू सडक मर्मतमा पनि प्रयोग हुन्छ,’ मेयरको जग्गा ‘प्लटिङ’ गर्ने कानून छ कि छैन भन्ने प्रश्नमा उनले टाकुरासँग भने, ‘नगरपालिकाको आयोजनामा हो भने पाइन्छ, अन्यथा मलाई यो विषयमा सूचना छैन, भोलि बुझ्छु के रहेछ ।’
मेयर चौधरीले जग्गा ‘प्लटिङ’मा गाडी प्रयोग गरेकोबारे आफूलाई थाहा नभएकाले बुझ्ने उनले बताए ।
Discussion about this post