सुन्दरहरैंचा : नेपाली कांग्रेस सुन्दरहरैंचा नगरसभापति भक्तिप्रसाद सिटौलाले मेयरको दाबी गरेका छन् । उनले आफू मेयर बन्नुपर्ने उद्घोष गर्दै तयारी सुरु गरेका हुन् ।
मंगलबार सुन्दरहरैंचा ७ को टोल समिति गठन कार्यक्रममा उनले आफ्नो दाबेदारी प्रस्तुत गरे ।
कोइराला प्यानलबाट नगरसभापतिमा उम्मेदवार भएको बेला नै मेयरको टिकट दिने सहमति भएअनुसार आफू अगाडि बढेको उनले बताए ।
मोरङ क्षेत्र नम्बर ६ का क्षेत्रीय सभापति देवराज तामाङ आफैँले टिकट दिलाउने बाचा गरेको उनले सुनाए । पछि तामाङले छुट्टै मेयरको उम्मेदवार बन्ने घोषणा गर्दै हिँडेपछि आफू अग्रसर भएको सिटौलाले बताए ।
सोही कार्यक्रममा तरुण दलका युवा नेता अनुरोध साहले सिटौलाको घोषणाले आफूहरूलाई ऊर्जा मिलेको बताए ।
Discussion about this post