खोटाङ र ओखलढुंगामा दुईजना मृत अवस्थामा फेला परेका छन् ।
खोटाङको साकेला गाउँपालिका १ साप्सु खोलाको बगरमा भोजपुर नगरपालिका १२ टक्सारका ४० वर्षीय रामकुमार राई मृत अवस्थामा फेला परेको प्रदेश १ प्रहरी कार्यालय विराटनगरले जनाएको छ ।
खोटाङ दिक्तेल रूपाकोट मझुवागढी नगरपालिका ९ निर्मलीडाँडास्थित ससुराली घर जान्छु भनेर हिँडेका उनी घर नआएपछि खोजी गर्नेक्रममा उक्त बगरमा उनको शव बुधबार (आज) फेला परेको प्रहरीले जनाएकोछ ।
यस्तै, ओखलढुंगाको खिजिदेम्बा गाउँपालिका १ बिमिरेस्थित लिखु खोलाको दहमा खिजिदेम्बा गाउँपालिका ३ घर भई सोही गाउँपालिका १ स्थित सडकमा लेबर काम गर्ने ३७ वर्षीय झपटबहादुर सुनुवार मृत अवस्थामा फेला परेका छन् ।
मृत्युको कारण नखुलेकाले अुनसन्धान भइरहेको प्रहरीले जनाएको छ । दुवै घटनाबारे अनुसन्धान भइरहेको प्रहरीले जनाएको छ ।
Discussion about this post