उदयपुर : उदयपुरको कटारी नगरपालिका ५ मा एक महिलाको हत्या भएको छ ।
सोमबार बिहान स्थानीय ३७ वर्षीया नानु खनालको उनकै श्रीमानले हत्या गरेको इलाका प्रहरी कार्यालय कटारीले जनाएको छ ।
घरायसी विवादका कारण पोष्टराज दाहालले दाउराले हिर्काएर हत्या गरेको प्रहरीको प्रारम्भिक अनुसन्धानबाट खुलेको छ ।
बिहान करिब साढे ४ बजेतिर शौचालय गएकी खनालको घरको आँगनमा रहेको दाउराले हिर्काउँदा उनको घटनास्थलमै ज्यान गएको इलाका प्रहरी कार्यालय कटारीले जनाएको छ ।
प्रहरीले पोष्टराजलाई नियन्त्रणमा लिएर थप अनुसन्धान तथा कारबाही अगाडि बढाएको छ ।
Discussion about this post