इलाम : मृत फेला परेकी इलाम नगरपालिका ८ कि ३१ वर्षीया विनिता काफ्लेको हत्या आरोपमा संग्लग्न स्थानीय ४२ वर्षीय देवेन्द्र रिमाललाई जिल्ला प्रहरी कार्यालय इलामले पक्राउ गरेको छ ।
बैशाख १७ गते इलाम नगरपालिका ८ सिङफ्रिङ बेलडाँडामा टाउको र शरिरका बिभिन्न भाग छुट्टाछुटै भई खाल्डोमा पुरिएको अवस्थामा काफ्लेको शव फेला परेको थियो ।
शव फेला परेसंगै अनुसन्धानको क्रममा रिमालसँग काफ्लेको घनिष्ट सम्बन्ध रहेको खुलेसँगै निजलाई पक्राउ गरिएको र सोधपुछको क्रममा रिमालले घटना आफैँले घटाएको भनेर बयान दिएको जिल्ला प्रहरी कार्यालय इलामले जनाएको छ ।
घटना सम्बन्धमा थप अनुसन्धान भइरहेको प्रहरीले जनाएको छ ।
यस्तै, देउमाई नगरपालिका ७ का ४५ वर्षीय सन्तोष बाला राईको हत्या गरेको आरोपमा दुईजनालाई प्रहरीले पक्राउ गरेको छ ।
बैशाख १५ गते स्थानीय स्वास्थ्य चौकीबाट कोरोनाको खोप लगाई फर्कदै गरेका राईको हत्या सम्बन्धमा अनुसन्धान गर्ने क्रममा दुईजनालाई जिल्ला प्रहरी कार्यालय इलामले पक्राउ गरेको हो । पक्राउ पर्नेहरूमा देउमाई नगरपालिका ७ चुलिगाउँका २३ वर्षीय भुपेन राई र उनका २० वर्षीय श्रीचन्द्र राई रहेका छन् ।
उनीहरूले कोरोनाको खोप लगाई घर फर्कदै गरेका राईलाई बाटोमा सामान्य बादबिबादकै क्रममा अन्धाधुन्द कुटपिट गरी हत्या गरेको खुलेको छ ।
पक्राउ परेकाहरूमाथि आवश्यक अनुसन्धान तथा कारबाही सुरु गरिएको प्रहरीले जनाएको छ ।
यो पनि – तीन दिनदेखि बेपत्ता महिलाको शव गाडेको अवस्थामा फेला
Discussion about this post