मोरङमा हरिणको सिङसहित एक पक्राउ

मोरङ : मोरङको बूढीगंगा गाँउपालिका १ गोकुवा बस्ने ४६ वर्षीय शंखर ऋषिदेवलाई हरिणको सिङसहित पक्राउ गरिएको छ ।

विशेष सूचनाको आधारमा इलाका प्रहरी कार्यालय नेमुवाबाट खटिएको प्रहरी टोलीले उनको घरबाट हरिणको २ थान सिङ बरामद गरेको हो ।

अवैध हरिणको सिङ बरामद भएसँगै ऋषिदेवलाई पक्राउ गरिएको जिल्ला प्रहरी कार्यालय मोरङले जनाएको छ ।

पक्राउ परेका उनीमाथि थप अनुसन्धान भइरहेको प्रहरीले जनाएको छ ।