बराहक्षेत्र : सुनसरीको बराहक्षेत्र नगरपालिका १ चतरास्थित सुनसरी–मोरङ सिंचाइ योजनाको नहरमा एक पुरुषको शव फेला परेको छ ।
बराहक्षेत्र २ का ५४ वर्षीय विनोदकुमार काफ्लेको शव शनिबार दिउँसो फेला पारिएको प्रहरी चौकी चतराका सइ विनोद आचार्यले जानकारी दिए ।
नहरमा शव रहेको सूचना पाएपछि इप्रका महेन्द्रनगरका इन्स्पेक्टर राजेश दत्त तथा चतरा प्रहरीका सइ विनोद आचार्यको टोली घटनास्थल पुग्दा नहरको हिलोमा टाउको गाडिएको र शरीर बाहिर रहेको अवस्थामा शव भेटिएको प्रहरीले जनाएको छ ।
मृतकको शव पोष्टमार्टमका लागि धरानस्थित वीपी कोइराला स्वास्थ्य विज्ञान प्रतिष्ठान पठाइएको प्रहरीले जनाएको छ ।
Discussion about this post