इटहरी : इटहरीमा गजल वाचन कार्यक्रमको आयोजना गरिएको छ ।
डियर कल्याण साहित्य प्रतिष्ठानको आयोजनामा बिहीबार (आज) इटहरीमा गजल कार्यक्रमको आयोजना गरिएको हो ।
प्रतिष्ठानका अध्यक्ष विनोद घिमिरेका अुनसार विभिन्न ठाउँका सातजना गजलकारहरूले २८ वटा गजल वाचन गरेका थिए ।
‘एकजना गजलकारले चारवटा गजल सुनाउनुभएको थियो,’ घिमिरेले भने, ‘दसैँ, तिहार तथा छठ पर्वको पावन अवसर पारेर गजल महफिल कार्यक्रमको आयोजना गरिएको हो ।’
उनका अनुसार कार्यक्रममा जीबी गजल, रोमा लम्साल, हरि पराजुली, बबिता भुजेल, प्रिन्स प्रमोद ढकाल, अस्मिता भट्टराई र चिरञ्जीवी काफ्लेले दुई चरणमा चार–चारवटा गजल वाचन गरेका थिए ।
कार्यक्रमका प्रमुख अतिथि नेपाल संस्कृत विश्वविद्यालयका शिक्षाध्यक्ष प्रा.डा. भीम खतिवडाले गजललाई हलुका रूपमा लिन नहुने बताए ।
पछिल्लो समय नेपाली गजल परिष्कृत हुँदै गएको भएपनि केही मानिसहरूले गजललाई हलुका रूपमा लिँदा यसको वजन घट्ने उनको तर्क थियो ।
‘प्रेमका कुरा व्यक्त गर्नु मात्रै गजल हुनु होइन,’ खतिवडाले भने, ‘समाजमा दबिएका आवाजहरूलाई गजलमार्फत व्यक्त गर्नु पनि गजलकारको दायित्व हो ।’
Discussion about this post