अन्तु घुम्न आएका पुरुषको सुतेकै अवस्थामा मृत फेला

इलाम : इलामको सूर्योदय नगरपालिका ४ को एक होटेलमा एकजना मृत फेला परेका छन् ।

प्रहरीका अनुसार अन्दाजी ५० वर्षीय सञ्जु लोप्चन तामाङ सुतेकै अवस्थामा आज (आइतबार) बिहान साढे ५ बजे मृत फेला परेका हुन् ।

पशुपतिनगर प्रहरीले अन्तु घुम्न आएको हेटौँडा उपमहानगरपालिकाका कर्मचारीको टोलीमै रहेका सवारी चालक तामाङ राति ११ बजेतिर साथीहरूसँगै सुतेको र बिहान मृत भेटिएको जानकारी दिएको छ ।

तामाङको मृत्युबारे उनको परिवारलाई सूचना गरिसकेको र घटनाबारे थप अनुसन्धान भइरहेको प्रहरीले जनाएको छ ।