विराटनगर : विराटनगरको व्यस्त बजारमा दिनदहाडै एक युवामाथि तरबार प्रहार गरेको घटनामा संलग्न दुईजनालाई प्रहरीले पक्राउ गरेको छ ।
जिल्ला प्रहरी कार्यालय मोरङका प्रहरी निरीक्षक मोहन पोखरेलका अनुसार विराटनगर महानगरपालिका ८ का २२ वर्षीय समीर हुसेन र विराटनगर ६ का २४ वर्षीय अशोक अन्सारीलाई पक्राउ गरिएको हो ।
विराटनगरस्थित नेपाल–भारत सीमा क्षेत्रनजिकबाट बुधबार बिहानका राति २ बजेतिर हुसेन र अन्सारीलाई पक्राउ गरिएको जानकारी पोखरेलले दिए । दुवै जनाविरुद्ध ज्यान मार्ने उद्योगको मुद्दा चलाइएको छ ।
उनका अनुसार तरबार प्रहारबाट विराटनगर ८ का २२ वर्षीय महमद हलिम गम्भीर घाइते भएका छन् ।
दुवै हातमा गहिरो चोट लागेका उनको विराटनगरकै नोबेल शिक्षण अस्पतालमा उपचार भइरहेको छ । हलिममाथि विराटनगर १० सन्सारीमाईस्थान नजिकै सोमबार दिउँसो तरबार प्रहार भएको थियो ।
Discussion about this post