मोरङमा जलेर एक महिलाको मृत्यु

मोरङ : मोरङको ग्रामथान गाउँपालिका ४ मोतिपुरस्थितमा आगोले जलेर एकजना महिलाको मृत्यु भएको छ ।

मृत्यु हुनेमा ४५ वर्षीया भेडियन देवी माझी रहेकी छन् ।

आफ्नै घरको भान्सा कोठाको चुलोमा भात पकाउने क्रममा लडेर आगोमा जली घाइते भएकी उनलाई उपचारको लागि आर्या न्यूरो अस्पताल विराटनगर पुर्याउनासाथ डाक्टरले मृत घोषित गरेका थिए ।

घटना सम्बन्धमा इलाका प्रहरी कार्यालय बेलबारीको प्रहरी टोलीले प्रारम्भिक अनुसन्धान गरी शवलाई पोस्टमार्टमको लागि कोसी अस्पताल विराटनगर पठाइएको छ ।